Date Wednesday, 2018 Jun 20
Studio Time 04:20:00 NST
News »
अर्थ/वाणिज्य
« 1 2 3 4 5 6 7 8 »
सिंहलिला समाचार, १२ माघ पाँचथरको फिदिम स्थित हेवा खोलामा निर्माणधिन तल्लो हेवा खोला जलबिद्युत आयोजना बिरुद्ध स्थानीय आन्दोलित भएका छन । आयोजना निर्माणको जिम्मेवारी पाएको माउण्टेन हाइड्रो नेपाल प्रालिले स्थानीयसंग परामर्स नगरी काम अगाडी बढएको भन्दै सरोकार समिति गठन गर्दै प्रभाबित क्षेत्रका स्थानीय आन्दोलित बनेका हुन । समितिले सोमबार फिदिममा पत्रकार सम्मेलनको आयोजना गर्दै आफना कार्यक्रम र मागबारे जानकारी गराएको हो । आयोजना निर्माणका क्रममा स्थानीयलाई पर्न सक्ने असरका वारेमा छलफल गर्न पटक पटक निर्माण पक्षलाई बोलाइएको भए पनि बिना छलफल काम अघि बढाएको भन्दै चरणबद्ध आन्दोलनमा लागेको सरोकार समितिका संयोजक प्रेमप्रसाद तुम्बापोले बताए । हामीले २३ सुत्रिय माग अघि सारेका छौ, उनले भने–माग पुरा नभए काम रोक्ने सम्मको आन्दोलन हुनेछ । फिदिम नगरपालीकाको १, २, ४, ५ वडाका स्थानीयलाई प्रत्यक्ष असर पर्ने भन्दै स्थानीयले अतिक्रमणमा पर्ने जग्गाको मुआब्जा, स्थानीयलाई रोजगारी, सिचाइ कुलो र खानेपानीका मुहानमा पर्ने असरको क्षतिपुर्ती, गाउँलाई लोडसेडिङ मुक्त घोषणा गर्नु पर्ने लगायतका माग स्थानीयले राखेका छन । सरोकार समितिले आफना माग समेटेर जिल्लामा रहेका बिभिन्न १२ वटा निकायमा ज्ञापनपत्र समेत बुझाएका छन । आयोजनामा लगानी गरेको प्राइम बैंक र जलस्रोत मन्त्रालयलाई समेत यस बारेमा जानकारी गराइएको समितिले जनाएको छ । सात दिनको अल्टीमेटम सहित आन्दोलनमा उत्रिएको समितिले स्थानीयसंग परामर्ष नगर्नुमा आयोजना निर्माण पक्षसंग कारण मागेको छ । यस अघि एक हप्ता अघि फिदिम वडा नम्बर ४ को वडा नागरिक मञ्चको पहलमा आयोजना निर्माण पक्ष र स्थानीय बिच पहिलो पटक छलफल भएको थियो । स्थानीयले उठाएका मागका बारेमा सकारात्मक रहेको बताएको निर्माण पक्षले प्रचारमा आउने समस्या देखाउँदै सार्वजानीक सुनुवाई जस्ता कार्यक्रम गर्न नसकेको बताएको थियो । कार्यक्रममा आयोजना सञ्चालक दिपेन्द्र आङबोले स्थानीयलाई साथमा लिएर जाने निती लिएको भए पनि सार्वजानीक सुनुवायी जस्ता कार्यक्रम गर्न नसकेको बताए । २१ दशमलव ६ मेघावाट क्षमता उक्त आयोजनाका लागि प्राइम बैंकले लगानी गर्ने बताइएको छ । मुख्य गरेर स्थानीयले आयोजनाले निमार्ण गर्ने सुरुङका बिषयमा चासो राखेका छन । आयोजनाले ख्वाङ खोलाबाट सुरु गरेको सुरुङ फेमे खोला हुँदै हेवा खोलामा पनि निकाल्न ५ हजार ३ सय मिटर सुरुङ निमार्ण गर्दैछ । स्थानीयले खेतीलाई पानी, बन संरक्षण, स्थानीयलाई रोजगारी, खानेपानी मुहानको संरक्षण, आयोजना निमार्णका क्रममा हुने क्षति, खेवा खोलामा रहेको दाहासंस्कार स्थानको संरक्षण लगायतका बिषयमा आयोजना निमार्ण पक्षसंग माग गरेका हुन । नेपाल बिद्युत प्राधिकरण संग बिद्युत खरिद सम्झौता पश्चात ३ अर्व ६० करोड लगानीमा आयोजना निर्माण थालिएको हो । आयोजना निमार्णका क्रममा तीन बालि लाग्ने स्थानीयका खेत बाँझो हुने जसले बार्षिक २५ देखी ३० करोडको क्षति हुने दाबी स्थानीयको छ । आयोजना सञ्चालन पश्चात नियमित सञ्चालनमा रहेका १९ वटा सिचाइ कुलो सुक्ने उनीहरुको भनाई छ ।
प्रकाश धौलाकोटी तेह्रथुम ÷ तेह्रथुमको ईवा गाउँ विकास समितिका १६ जना एकल महिलाका परिवारहरुलाई सोलार बत्ति निशुल्क वितरण गरिएको छ । निशुल्क सोलार बत्ती पाएपछि एकल महिलाको परिवार झिलीमिली बनेका छन् । बहुसरोकारवाला बन कार्यक्रम, फेकोफन साझेदारी कार्यक्रम र गाविसको समेत सहयोगमा १ लाख रुपैयाँ बढीको लगानीमा सोलार बत्ती वितरण गरिएको हो । निशुल्क सोलार बत्ती पाएपछि आफ्नो जीवनमा नै उज्यालो छाएको महसुस गरेको ईवा ६ की ७२ वर्षीय मट्याङ्ग्री खातीले बताउनुभयो । सोलार बत्ती पाएपछि खाती जस्तै १६ जना विपन्न एकल महिलाका परिवारमा खुसी छाएको छ भने निजका बालबालिकालाई पढ्ने अवसर मिलेको छ । गाविसका १६ जना एकल महिलालाई सोमबार एक कार्यक्रमका बीच ३ वटा बत्ती बल्ने २० वाटको सोलार बत्ती निशुल्क वितरण गरिएको सामुदायिक बन उपभोक्ता महासंघ फेकोफनका फिल्ड सुपरभाइजर दुर्गाप्रसाद भट्टराईले जानकारी दिनुभयो । भट्टराईका अनुसार यस अगाडि पनि ईवा गाविसका ६६ विपन्न घरधुरीलाई सोलार बत्ती वितरण गरिएको थियो । ईवा गाविसलाई वि.स. २०७३ साल सम्ममा नमुना गाउँ बनाउने अभियान अन्तर्गत गाविसलाई अध्याँरोमुक्त बनाउन सोलार बत्ती वितरण गरिएको सामुदायिक बन उपभोक्ता गाउँ महासंघ ईवाका अध्यक्ष खड्गप्रसाद ईङ्नामले बताउनुभयो । ईङनामका अनुसार गाविसका बाँकी सबै घरधुरीमा क्रमशः घरधुरी पहिचान गरी सोलार बत्ती वितरण गरेर गाविसलाई आगामी वर्ष सम्म अध्याँरोमुक्त गाविस घोषणा गर्ने कार्यक्रम रहेको छ ।
पाँचथर, २६ पुस पाँचथरको सदरमुकाम फिदिम स्थित जिल्ला कृषि बिकास कार्यालय परिषरमा दुई दिने कृषि तथा औद्योगिक प्रदर्शनी मेला सुरु भएको छ । ‘उन्नत प्रविधि र व्यवस्थापनमा लागौं लगातार, कृषिमा व्यवसायिकिरण एवं औद्योगिकिरण उन्नतीको आधार’ भन्ने नारासाथ जिल्ला स्तरीय प्रदर्सनी शुरु भएको हो । प्रदर्शनीमा सदरमुकाम फिदिम सहित जिल्लाका विभिन्न कृषि सेवा केन्द्र, उपकेन्द्रमा पर्ने ३८ गाविसमा उत्पादित कृषि तथा घरेलु उत्पादनका स्टलहरु राखिएको छ । जिल्ला कृषि विकास कार्यालय पाँचथरका प्रमूख वरिष्ठ कृषि विकास अधिकृत वेनुप्रसाद प्रसाईका अनुसार प्रदर्सनीमा फलफुल, आलु, दाल, तेल, नगदे तथा विविध वाली समूहमा ३ सय ५० जना कृृषकले सहभागिता जनाएका छन । जिल्लामा उत्पादित कृषि उपजको प्रर्वधन र वजारिकरणसँगै उत्कृष्ठ कृषकको छनौट गरी पुरस्कृत गर्ने उदेस्यले प्रदर्सनी आयोजना गरिएको जिल्ला कृषि बिकास कार्यालय पाँचथरले जानकारी दिएको छ । कार्यालय सहित कृषि क्षेत्रका सरोकारवाला सरकारी र गैरसरकारी सस्थाको सहकार्यमा शुरु भएको मेलाको उद्घाटन जिल्ला न्यायधिस माधवप्रसाद अधिकारीले गरे । मेलाको उद्घाटन समारोहमा वोल्दै कृषि विभागका उप महानिर्देशक तेजवहादुर सुबेदीले नेपालको आधाभन्दा धेरै जनसंख्या कृषिमा आश्रित रहँदा रहँदैपनि समय सुहाँउदो प्रविधि कृषकसम्म नपुग्दा कृषि कर्मप्रति युवा पुस्ताको आकर्षण घटेको वताए । पाँचथर सहित पुर्वी नेपालको आम्दानीको मुख्य स्रोत अलैंची मासिँदै गएकोमा कृषि विभागको ध्यानाकर्षण भएको भन्दै उनले अलैंचीको स्वस्थ विरुवा उत्पादनका लागि जिल्ला कृषि विकास कार्यालय लगायतका निकायवाट कृषक केन्द्रीत कार्यक्रम लागु गरेको उनको भनाई थियो । प्रदर्सनीमा फलफुल, नगदे, आलु, दलहन र तेलहन लगायत ७ वाली समूह मध्ये प्रत्येक समूहवाट चार÷चार जनाका दरले २८ कृषकलाई पुरस्कृत गर्ने आयोजक जिल्ला कृषि विकास कार्यालय पाँचथरले जनाएको छ । प्रदर्सनीमा घरेलु उपज अन्तरगतका ढाका कपडा, माहुरीका घार, हाते कागज, वाँस निगालोका फनिचर सामान, नगदेवालीतर्फ अलैंची, अदुवा, चिया, कफी, फलफुल, तरकारी वाली समूहका विभिन्न उपजका आकर्षक स्टलहरु राखिएको छ । छनौटमा परेका कृषकलाई पुरस्कृत गर्दै मेला भोली सकिदैछ ।
प्रकाश धौलाकोटी, तेह्रथुम ९ पुस क्षेत्रीय खाद्य प्रविधि तथा गुण नियन्त्रण कार्यालय विराटनगरले तेह्रथुमका बजारहरुको अनुगमन गरी अखाद्य तथा म्याद गुज्रेका वस्तुहरु नियन्त्रण तथा शंकास्पद वस्तुहरुको नमुना संकलन गरेको छ । अनुगमन पछि पत्रकार सम्मेलन गर्दै कार्यालयका प्रमुख प्रमोद कोइरालाले अनुगमनका क्रममा भेटिएका विभिन्न १३ वटा शंकास्पद वस्तुहरु नमुना संकलन गरेको जानकारी दिए । यस्तै विभिन्न सात वटा होटल तथा रेष्टुरेन्टहरु र एउटा विस्कुट उद्योगको अनुगमनमा सरसफाइको अवस्था अत्यन्तै नाजुक पाइएको प्रमुख कोइरालाले बताए । अनुगमन टोलीले म्याद गुज्रेका अखाद्य वस्तुहरुको नमुना संकलन तथा नियन्त्रणमा लिएको छ । संकलन गरिएको नमुना परिक्षण गरी सम्बन्धित उद्योग तथा व्यवसायीहरुलाई सुझाव तथा कारवाहीको प्रक्रिया अगाडि बढाइने प्रमुख कोइरालाले बताए । कोइरालाले धेरैले इनर्जी ड्रिन्कको रुपमा प्रयोग गर्ने रेडबुल स्वास्थ्यका लागि अत्यन्तै खराब हुने बताउदै उपभोक्ताहरुलाई प्रयोग नगर्न सुझाव दिए । अनुगमनका क्रममा सबैभन्दा धेरै रेडबुल म्याद गुज्रेको पाइएको थियो । अनुगमन टोलीमा क्षेत्रीय खाद्य प्रविधि तथा गुण नियन्त्रण कार्यालयका प्रमुख कोइराला सहित जिल्ला प्रशासन कार्यालय, उपभोक्ता मन्च र तेह्रथुम उद्योग वाणिज्य संघ समेत संलग्न रहेको पत्रकार सम्मेलनमा जनाइएको छ ।
प्रकाश धौलाकोटी, तेह्रथुम ९ पुस गाउँ–गाउँमा सहकारी मार्फत संगठित भएर किसानहरुले दुध उत्पादन गर्न थालेपछि तेह्रथुम जिल्लाबाट दुध निकासी बढ्दै गएको छ । जिल्लामा व्यावसायिक रुपमा उन्नत जातका गाईभैँसी पालन गर्न थालिएकाले पनि दुध निकासी बढेको जिल्ला पशु सेवा कार्यालयका वरिष्ठ पशु चिकित्सक शिवजीप्रसाद दासले बताए । तेह्रथुम जिल्लाबाट चालु आर्थिक वर्षको पहिलो चार महिनाको अवधिमा मात्र ४ सय ५० मेट्रिक टन अर्थात् ४ लाख ५० हजार लिटर दुध जिल्ला बाहिर निर्यात भएको छ । यो कुल उत्पादनको करिब ८५ प्रतिशत हो । बाँकी १५ प्रतिशत दुध भने जिल्लामा तिनै सहकारी मार्फत सन्चालित दुध विक्री केन्द्रहरु मार्फत खपत हुने गरेको छ । गत वर्ष जिल्लाबाट उत्पादनको ७३ प्रतिशत अर्थात् ५ हजार ४ सय २३ मेट्रिक टन दुध जिल्ला बाहिर निकासी भएको थियो । अहिले जिल्लाभरिका किसानबाट करिब ३ दर्जन दुग्ध सहकारी संस्था मार्फत जम्मा भएको ४ हजार लिटर बढी दुध दैनिक रुपमा धरान विराटनगर लगायतका बजारहरुमा निकासी हुने गरेको छ । प्रति लिटर ३५ देखि ४० रुपैयाँ सम्ममा निकासी हुने गरेको दुधबाट मात्र जिल्लामा गत वर्ष १८ करोड बढी रुपैयाँ भित्रिएको थियो ।
सिंहलिला समाचार पाँचथर जिल्ला कृषि विकास कार्यालय पाँचथरमा वसेको कृषि विकास समितिको वैठकले विभिन्न इलाकावाट कृषि कार्यालयमा माग भइ आएका योजनाहरुलाई अनुमोदन गरेको छ । कार्यालयले सार्वजनिक सूचना जारी गर्दै माग गरे अनुसार पर्न आए मध्ये सेवा केन्द्र याङनाम अन्तरगतका गाविसवाट ५,राँकेवाट ५ रविवाट ४ फिदिम अन्तरगत ४ र यासोक अनतरगत २ र थर्पु अन्तरगत ४ वटा गरी कुल ३० वटा साना सिंचाई योजना पारित गरेको हो । यस्तै वैठकले जिल्लाका विभिन्न सेवा केन्द्रमा ३७ लाख ५० हजार लागत वरावरका प्लाष्टिक पोखरी निर्माण,युवा लक्षित कार्यक्रम अन्तरगत तरकारी खेतीका लागि ६० र च्याऊ खेतीका १४ जना कृषक छनौट गरेको छ । स्थानीय विकास अधिकारी तथा कृषि विकास समितिका अध्यक्ष तुलसीवहादुर श्रेष्ठको अध्यक्षतामा सम्पन्न कार्यक्रममा अतिथिको अतिथिको आसनवाट वोल्दै सभाषद गणेश काम्वाङले युवा पुस्तालाई आकर्षित गर्ने कार्यक्रम वनाएर स्थानीय स्तरमै स्वरोजगार वनाउने खालका कार्यक्रम ल्याउन जिल्ला कृषि विकास कार्यालयलाई सुझाव दिए ।
पाँचथर, २३ मंसिर, नेपाल सरकारले ग्रामिण क्षेत्रमा रहेका बिपन्न परिवारको अर्थिक सुधारका लागि भन्दै किस्ता हिसावले दिने रकम लिन सहकारी संस्थाले आवेदन नगर्दा स्वाबलम्बन कार्यक्रम प्रभावकारी बन्न सकेको छैन । ग्रामिण सहकारी मार्फत नेपाल राष्ट्र बैंकले आर्थिक बिपन्न परिवारका लागि परिचालन गर्ने सस्तो ब्याजदरको रकम लिन कोही पनि तयार नभए पछि कार्यक्रम प्रभाव बिहिन भएको हो ।
सिंहलिला समाचार नेपाल सरकारले चिया तथा कफी बिकास बोर्डलाई छुटाछुटै संयन्त्र मार्फत बिकास गर्ने भन्दै कार्य अघि बडाएको भए पनि तत्काल ब्यवस्थापन गर्न नसक्दा स्थानीय तहमा समस्या सुरु भएको छ । पाँचथर जिल्लामा कफीको ब्यवसायीक बिकास हुन नसकेको भए पनि चियाको उत्पादन राम्रो छ । तर बिगतमा एउटै निकाय (चिया तथा कफी बिकास बोर्ड) मार्फत कार्य सम्पादन हुँदै आएकोमा पछिल्लो पटकको निर्देशनमा छुटाछुटै निकाय बनाउने बताइए पछि अव बोर्डले के काम गर्नेमा चिया बिस्तार आयोजना अलमलमा परेको आयोजना प्रमुख केन्द्रकुमार लिम्बुले बताए । बिकास बोर्ड छुटिने भए पछि अबको कार्यक्रम, बजेट र योजनामा अलमल छ । उनले भने–आयोजनाले उपलब्ध गराउने प्राबिधिक सेवा सुबिधा र कृषकलाई दिइने अन्य योजनामा प्रत्यक्ष असर परेको छ ।
सिंहलिला समाचार÷पाँचथर पाँचथरको फिदिम गाबिस वडा नम्बर ४ मा गत तिहारको लक्ष्मी पुजाको राती भएको आगलागिका पीडितहरुका लागि राहत बितरण गरिएको छ । फिदिमे युवा समुहले संकलन गरेको राहत रकम आज घटनास्थलमा एक कार्यक्रमको आयोजना गर्दै बितरण गरिएको हो । संकलित रकम ३ परिवारलाई ५ हजारका दरले प्रदान गरिएको युवा दिलिप अधिकारीले जानकारी दिनुभयो । आगलागीमा परी क्षति भएका लिला गीरी, ककिमाया तुम्बापो र ददिराम खत्रीलाई राहत प्रदान गरीएको हो । पीडित मध्ये खत्रीको परिवार कार्यक्रममा उपस्थित नभएका कारण पाँचथर उद्योग बाँणिज्य संघमा रहने गरी प्रदान गरिएको छ ।
सिंहलिला समाचार, २६ कात्तिक, पाँचथर सदरमुकाम फिदिम घर भई हाल झापा जिल्लामा वस्दै आएका खड्गप्रसाद काफ्लेले पाँचथर उद्योग वाणिज्य संघलाई वहुउदेसीय भवन निर्माण गर्ने उदेस्यले करिव ३० लाख मुल्य पर्ने एक रोपनी जग्गा दान दिएका छन । फिदिममा आयोजित श्रीमद् भागवत ज्ञान महायज्ञका अवसरमा मंगलवार उनले उक्त दान घोषणा गरेका हुन । काफलेले दान दिएको जग्गा पाँचथर सदरमुकाम फिदिम र जोरसाल वजारको विचमा अवस्थित फिदिम ४ मा पर्छ । जुन जग्गालाई मेची राजमार्गले समेत छोएको छ । हाल चलन चल्ती र मालपोतको मुल्य समायोजन गर्दा समायोजन गर्दा सो जग्गाको दाम २९ लाख ९९ हजार ९ रुपैंया ९९ पैसा पर्न आँउछ । यसअघि फिदिम ४ का गोविन्द ढकालले पनि संघलाई ६ लाख मुल्यको एक रोपनी जग्गा दानको घोषणा गरिसकेका छन ।
Featured Programs
Photo Gallery
RJ Profile

तुलसी क्षितिज

विपुल अधिकारी, समाचार सम्पादक

Message Board
Public Poll

Loading...

Program Archives