Date Thursday, 2018 Jun 21
Studio Time 04:20:00 NST
News »
राजनीति
गच्छदारले जितेको क्षेत्रको मतपत्र पेश गर्न सर्वोच्चको आदेश

 

काठमाडौं, पुस १४ – सर्वोच्च अदालतले सुनसरी–३ को प्रतिनिधिसभा सदस्य चुनावको मतपेटिका मतपत्रसहित सम्पूर्ण कागजात पेश गर्न आदेश दिएको छ ।
वाम गठबन्धनकी उम्मेदवार भगवती चौधरीले दायर गरेको रिट निवेदनमाथि शुक्रबार संवैधानिक इजलासले सुनुवाई गर्दै मतपत्र, मतपेटिका र अरु कागजता पेश गर्न आदेश दिएको हो ।
सुनसरी–३ मा चौधरीलाई तीन सय २१ मतले पराजित गर्दै नेपाली कांग्रेस उम्मेदवार विजयकुमार गच्छदार विजयी हुनुभएको थियो । गच्छादारले निर्वाचन आयोग र प्रशासनको मिलोमतोमा आफूलाई धाँधली पूर्ण तरिकाले हराएको भन्दै चौधरीले मंगलबार सर्वोच्च अदालतमा पुनः गणनाको माग गर्दै रिट निवेदन दिनुभएको थियो ।
शुक्रबार प्रधानन्यायाधीश गोपाल पराजुलीसहित दीपकराज जोशी, ओमप्रकाश मिश्र, चोलेन्द्र शम्शेर जबरा र दीपककुमार कार्कीको संवैधानिक इजलासले मतपत्रसहित अरु कागजात ल्याउन भनेको हो ।
चुनावसम्बन्धी मुद्दा संवैधानिक इजलाशले सुनुवाई गर्ने संवैधानिक व्यवस्था छ । सर्वोच्चले निर्वाचित हुनुभएका विजय गच्छदारको शपथग्रहण रोक्ने कि नरोक्ने भन्नेबारे छलफल गर्न यही पुस २१ गते दुवै पक्षलाई बोलाएको छ ।
गएको मंसिर २१ गते भएको दोस्रो चरणको चुनावमा गच्छदारले ३८ हजार ९ सय ७२ र चौधरीले ३८ हजार ६ सय ५१ मत पाउनुभएको छ । एक लाख ९ हजार ९ सय १७ मतदाता रहेको सुनसरी–३ मा ८५ हजारभन्दा बढी मत खसेको थियो । त्यस क्षेत्रमा एक सय २५ वटा मतपेटिका थिए । मतगणनाका क्रममा सुनसरी–३ मा विवाद भएको थियो ।
यसअघि स्थानीय तहको चुनावका क्रममा भतरपुर महानगरपालिकाको मगणनाका विषयमा परेको मुद्दाको सुनुवाई हुँदा पनि सर्वोच्चले मतपत्र झिकाएको थियो ।
उज्यालो नेटवर्कबाट

 

Featured Programs
Photo Gallery
RJ Profile

दिलकुमारी तामाङ

समाचार प्रस्तोता

विपुल अधिकारी, समाचार सम्पादक

Message Board
Public Poll

Loading...

Program Archives